Ĉinio volas labori kun diversaj landoj por akceli konstruon de komunumo kun komuna estonteco de la homaro

La raporto pri la registara laboro, lunde prezentita de la ĉina registaro al la plej alta leĝdona instanco, montras, ke Ĉinio firme marŝos sur la vojo de paca evoluado kaj akcelos la konstruon de novtipaj internaciaj rilatoj. Ĉinio volas labori kun diversaj landoj por akceli konstruon de komunumo kun komuna estonteco de la homaro.

La raporto diras, ke Ĉinio vigle partoprenos reformojn, perfektigos tutgloban administradon kaj sin dediĉos al konstruo de malferma monda ekonomio. Ĉinio stimulos kunordigon kaj kunlaboron inter potencoj, profundigos kun najbaraj landoj bonnajbarecon kaj komunan evoluadon. Ĉinio bone organizos jarkunvenon de Bo'ao-Forumo por Azio, pintkunvenon de Ŝanhaĵa Kunlabora Organizo kaj pintkunvenon de la forumo de ĉin-afrika kunlaboro. Ĉinio plue ludos la rolon kiel respondeca potenco por solvi tiklajn problemojn internaciajn kaj regionajn. Ĉinio perfektigos sistemon pri sekureco kaj garantio de eksterlandaj interesoj.