Ĉinio kaj Kanado okazigis unuan strategian dialogon pri ekonomio kaj financo

Lunde en Pekino Ĉinio kaj Kanado okazigis la unuan strategian dialogon pri ekonomio kaj financo. Ĉina ŝtatkonsilanto Wang Yong, kanana ministro pri financo Bill Morneau kaj kanada ministro pri diverseco de internacia komerco Jim Carr faris paroladojn en la kunveno.

Wang diris, ke en la lastaj jaroj, ĉina-kanadaj rilatoj bone disvolviĝis, kaj ekonomia kaj komerca kunlaboro fariĝis grava motoro de duflankaj rilatoj. Li akcentis, ke la ekonomioj de Ĉinio kaj Kanado estas forte komplementaj, kaj la du landoj estas gravaj partneroj unu por la alia en investado kaj komerco. Ĉinio volas labori kune kun Kanado por plene ekspluati potencialon de kunlaboro kaj vastigi kunlaboron en moderna agrikulturo, energio kaj resurso, avangarda manufakturado, teknologia novigo, aviado kaj trafiko, kaj financa servo.

Kanada ministro pri diverseco de internacia komerco Carr diris, ke la jara kvanto de komerco inter Kanado kaj Ĉinio kalkuliĝis al 95 miliardoj da kanadaj dolaroj, kaj la celo de la du flankoj estas duobligi la kvanton en 2025, kaj ke li esperas, ke la dialogo helpos atingi la celon.