Yang Jiechi renkontiĝis kun prezidanto de sudkorea parlamento Moon Hee-sang

Yang Jiechi, membro de la Politika Buroo de la Centra Komitato de la Komunista Partio de Ĉinio kaj estro de la Ĝenerala Oficejo de la Komisiono pri Eksterlandaj Aferoj sub la Centra Komitato de la KPĈ, lunde en Pekino renkontiĝis kun prezidanto de la sudkorea parlamento Moon Hee-sang.

Yang montris, ke sub la gvidado de ĉina prezidanto Xi Jinping kaj sudkorea prezidento Moon Jae-in, la rilatoj inter la du landoj konservas stabilan disvolviĝon sur la ĝusta vojo. La du landoj estas najbaroj, amikoj kaj partneroj; la duflankaj rilatoj havas longan historion de kulturaj interŝanĝoj, kaj havas ankaŭ kunlaboran bezonon kaj ekspluateblan kapablon. La du flankoj devas daŭre profundigi la pragmatan kunlaboron, fortigi plurflankan akordiĝon, firmigi bazon de amikeco inter la du popoloj, kaj kune antaŭenpuŝi disvolviĝon de la duflankaj rilatoj.

Moon diris, ke la sudkorea parlamento volas plu klopodi por profundigi la dulandajn kunlaborojn en ĉiuj kampoj.

La du partioj ankaŭ interŝanĝis opiniojn pri demandoj de la Korea Duoninsulo.