Usono kaj afgana Talibano finis 8an intertraktadon

Lunde en la katara ĉefurbo Daŭho, Usono kaj la afgana grupo Talibano finis la 8an intertraktadon. La du flankoj ankoraŭ ne povis atingi definitivan interkonsenton, tamen ambaŭ diris, ke la intertraktado rikoltis pozitivajn rezultojn.

Zalmay Khalilzad, speciala reprezentanto de la usona registaro pri repacigo de Afganio, diris lunde per socia komunikilo, ke tiutage Usono kaj Talibano finis la 8an intertraktadon komencitan en la 3a de tiu ĉi monato. Li diris, ke la lastaj kelkaj tagoj de la intertraktado fokusiĝis ĉefe pri demandoj de teknikaj detaloj, kaj la intertraktado rikoltis pozitivajn rezultojn. Tamen li ne malkaŝis, en kiuj kampoj progresis la intertraktado.

Zabiullah Mujahid, proparolanto de Talibano, tiutage diris per socia komunikilo, ke la 8a intertraktado estis malfacila, tamen fruktodona. Reprezentantoj de ambaŭ flankoj raportos al siaj estroj pri la intertraktado por decidi pluajn paŝojn.