Financa ministerio lanĉis plurajn rimedojn por subteni batalon kontraŭ epidemio

Lastatempe la ĉina Ministerio de Financo lanĉis plurajn rimedojn por subteni la financan sektoron pli bone servi al prevento kaj regado de la nova koronaria viruso.

Nun la prevento kaj regado de la nova koronaria viruso estas en ŝlosila fazo, tial subteni entreprenojn pri fabrikado de medicinaj produktoj altigi la produktkapablon estas grava garantio por gajni la batalon kontraŭ la epidemio.

Laŭ avizo, lastatempe publikigita de la ministerio, pri fortigo de financa servo por subteno al prevento kaj regado de la nova koronaria viruso, la centra registaro liveros subtenon de interez-redukto al prunto de ĉefaj entreprenoj rilataj al batalo kontraŭ la epidemio.

Vicministro pri financo Zou Jiayi diris, ke la centra registaro donos subtenon de interez-redukto al prunto de entreprenoj pri sanprotekto kaj prevento de epidemio, fabrikado kaj provo de vakcinoj, medikamentoj kaj medicinaj aparatoj, gvidos financajn instituciojn optimumigi financan servon kaj intensigi liveradon de monprunto por kontentigi bezonojn de tiuj entreprenoj.