Elhospitaliĝis 892 pacientoj infektitaj per nova koronaria viruso

Entute 892 pacientoj infektitaj per la nova koronaria viruso estis elhospitaligitaj post resaniĝo ĝis mardo.

Ĉinaj prisanaj aŭtoritatoj anoncis merkrede, ke ĝis mardo entute 892 pacientoj infektitaj per la nova koronaria viruso estis elhospitaligitaj post resaniĝo.

La Nacia Komisiono pri Sano diris en sia ĉiutaga raporto, ke 262 homoj marde eliris el hospitaloj post resaniĝo (125 en Hubei)

Ĝis mardo, entute 490 homoj mortis pro la malsano kaj 24 324 konfirmitaj kazoj de infektiĝo je la nova koronaria viruso estis raportitaj en 31 provinc-nivelaj regionoj kaj la Xinjiang-a Korpuso de Produktado kaj Konstruado.