Ĉinio eksportis medicinajn provizaĵojn kun valoro de 1 440 milionoj da usonaj dolaroj

La ĉina Ĝenerala Administracio de Doganoj dimanĉe diris, ke ĝi ekzamenis kaj ellasis provizaĵajn eksportojn de 10,2 miliardoj da juanoj (1,44 miliardoj da usonaj dolaroj) por reteno de la kronvirusa malsano ekde la 1a de marto.

Jin Hai, estro de la Departemento de Ĝenerala Funkciado en la Ĝenerala Administracio de Doganoj, faris la deklaron en gazetara konferenco pri administro de medicina provizado.

La gazetaran konferencon ĉeestis ankaŭ oficialuloj de la Ministerio de Komerco, la Ŝtata Administracio por Merkata Reglamentado kaj la Nacia Administracio pri Medicinaj Produktoj.

Laŭ la Ministerio de Komerco, ĝis sabato, Ĉinio subskribis kontraktojn pri komerca aĉeto de medicinaj provizaĵoj kun 54 landoj kaj tri internaciaj organizaĵoj.