Eŭropa Komisiono: Ĉinaj rektaj helpmaterialoj al EU liveritaj al Italio

Plenuma oficialulo de la Eŭropa Unio (EU) diris lunde, ke ĉina aviadilo portanta rektajn helpmaterialojn de Ĉinio al la EU atingis Italion.

La Eŭropa Komisiono diris en gazetara komunikaĵo, ke la ĉina aviadilo transdonis 2 milionojn da kirurgiaj maskoj, 200 000 maskojn N95 kaj 50 000 provilojn al Italio. Post la rekta donaco de Ĉinio al la EU, la Centro pri Kunordigo de Krizokaza Respondo de la EU kunordigis la distribuon al Italio.

Janez Lenarcic, komisionano pri traktado de krizoj diris en la gazetara komunikaĵo, "Ni estas dankemaj pro la subteno de Ĉinio kaj, kiel prezidanto de la Eŭropa Komisiono (Ursula) von der Leyen deklaris, ni bezonas reciprokan subtenon en necesa tempo. La EU kaj Ĉinio kunlaboris de post la eksplodo de la kronvirusa epidemio. Februare, la EU jam transdonis 56 tunojn da ekipaĵoj al Ĉinio."