Diplomato: Ĉinio aktive partoprenas en internaciaj klopodoj kontraŭ kronvirusa pandemio

Ĉina diplomato diris ĵaŭde en Ĝenevo, ke Ĉinio aktive partoprenis en internaciaj klopodoj kontraŭ la kronvirusa epidemio, sub la gvidado de la vizio konstrui komunumon kun komuna estonteco de la homaro.

Dum parolado en la Virtuala Neformala Konversacio kun la Alta Komisaro pri Homaj Rajtoj de la UN pri la kronvirusa epidemio kaj ĝiaj influoj sur homaj rajtoj, Chen Xu, estro de la Ĉina Misio al la Oficejo de la UN en Ĝenevo, diris, ke Ĉinio faras aktivajn klopodojn por plenumi sian helpan promeson al pli ol 130 landoj kaj organizoj.

Chen diris, ke Ĉinio sendis entute 13 teamojn da medicinaj fakuloj al 11 landoj, kaj okazigis ĉirkaŭ 70 videokonferencojn kun pli ol 150 landoj kaj ankaŭ internaciajn organizaĵojn.

Laŭ la ĉina ambasadoro, en la daŭro de unu monato de la 1a de marto ĝis la komenco de aprilo, ĉirkaŭ 3,86 miliardoj da maskoj, 37 milionoj da protektaj kostumoj kaj 2,84 milionoj da proviloj de la kronvirusa malsano estis eksportitaj el Ĉinio post dogana inspektado.

Chen aldonis, ke Ĉinio faras efektivajn agojn por antaŭenigi internacian publiksanan kunlaboron. Ĉi tio mem estas grava kontribuo al la internacia afero pri homaj rajtoj.