Ne intence

(GMT+08:00) 2017-04-14 22:05:56     Redaktoro:esperanto
Ne intence (无意)- 马切克推荐


(Poemo de Raymond Schwartz)  

Akcidente, ― ne intence, ― 
Mi sur vian ŝuon paŝis; 
Bedaŭrinde en la ŝuo 
Ĉarma piedkal' sin kaŝis. 

Tuj instinkte, ― ne intence, ― 
Vi frakasis mian ĉapon; 
Bedaŭrinde sub la ĉapo 
Mi ja ankaŭ havis kapon. 

Konsekvence, ― ne intence, ― 
Vi tre elegante lamis, 
Mia kapo doloregis 
Kaj mi vin duoble amis. 

Kaj lamante, ― ne intence, ― 
Vi faletis, ― mi vin tenis, 
Tiam ... tiam ... ĉu intence? 
Vi en miaj brakoj svenis ..... 

Fotaro

© China Radio International.CRI. All Rights Reserved.Pri ni   |  Kontaktu Nin