La 8-an de marto, prezidanto de Konstanta Komitato de la Ĉina Tutlanda Popola Kongreso Wu Bangguo esprimis en Pekino, ke jam formiĝis socialisma leĝa sistemo kun ĉinaj trajtoj. Ĉinio havas leĝan bazon en la kampoj de ekonomio, politiko, kulturo, socia vivo kaj tiel plu.

Nun en Pekino okazas la 1-a sesio de la 11-a Ĉina Tutlanda Popola Kongreso. la 8-an, la kunveno aŭskultis laboran raporton de la Konstanta Komitato de 10-a Ĉina Tutlanda Popola Kongreso fare de Wu Bangguo.

Wu Bangguo konigis, ke en pasintaj 5 jaroj, la ĉina TPK sankciis 100 leĝprojektojn. Ĝis nun la praktikataj leĝoj en Ĉinio tuŝis 7 leĝajn departementojn. Estas preskaŭ 600 administraj regularoj.

Wu Bangguo esprimis, ke la ĉina TPK plirapide faros subtenilajn leĝojn en la kuranta jaro. Oni devas fortigi leĝdonon en socia kampo por bonigi vivon de la popolanoj, daŭre perfektigi leĝdonon pri ekonomio kaj politiko, pozitive antaŭenpuŝi sciencan kaj demokratian leĝdonon kaj senĉese altigi leĝdonan kvaliton.